Quhet mospërputhje me botëkuptimin, një term që në anglisht njihet si “cognitive dissonance” ose disharmoni kognitive.
Rezulton kur një besim themelor dhe tepër i fortë që një individ mban në vetvete vihet përballë provave që e kundërshtojnë atë. Këto prova apo fakte nuk mund të pranohen sepse do krijohej një ndjesi mjaft e parehatshme.
Dhe për shkak se është tepër e rëndësishme të mbrohet besimi themelor, njerëzit arsyetojnë, e hedhin poshtë ose thjeshtë mohojnë çdo gjë që nuk përputhet me besimin e tyre.
“Gënjeshtarët janë njerëz të këqinj… por unë sapo gënjeva.”
Besimi në të parën bie në kundërshti me faktin që askush nuk e pranon që është një person i keq. E njëjta gjë ndodh edhe me fenë dhe zotin.
Pavarësisht sasisë së argumenteve që paraqiten kundër fesë dhe zotit dhe mungesës së provave dhe llogjikës pro tyre, besimtarët nuk mund ta lejojnë kurrësesi që besimi i tyre themelor të cënohet. Kjo është diçka tepër e rrezikshme sepse shpeshherë e çon besimtarin në fatalitet.
Është sikur një forcë e huaj ta ketë marrë në kontroll mendjen e personit dhe ta komandojë atë sikur po luan një videolojë.
Nuk janë të paktë njerëzit që kanë rrezikuar ose edhe shkaktuar vdekjen e fëmijëve vetëm sepse nuk besonin në vaksinat sepse kështu u tha një libër i shkruar nga barinjtë e deleve para 2 mijë vitesh. Shembuj të tillë ka sa të duash.
Feja është një parazit që ngulitet thellë në mendjen e viktimës duke e marrë peng atë gjë e cila shpeshherë përfundon në fatalitet për viktimën por fatkeqsisht edhe për të tjerë. Feja është helm për njerëzimin.